SINOPSIS

E pelíkula ‘No Kai” ta konta di un pareha hóben ku despues di nan estudio a bin biba Kòrsou i a kuminsá nan karera profeshonal. Raymi ku Christina tur dos ta traha duru i nan bida ta bai bon. Destino ta pone ku nan dos ta topa otro riba trabou i ta bira un kaso di amor a primera bista ku ta sigui krese i bira un matrimonio felis pa e promé dos añanan. Nan ta bira un pareha modelo, ku ta ilustrá kon despues di bo estudio bo por krese den bo karera i te asta den un bida komo pareha. Pero nada bon no ta dura muchu largu si bo pone Dios un banda i kere ku bo so por tur kos. Esei ta loke ta pasa ku Raymi ku ta kasa di Christina. Kos ta bai asina bon pa nan ku e ta bira egoista, sarkástiko, arogante i ta kere ku e ta Dios. Despues di e dos añanan di un bida perfekto, bida ta kuminsá kambia. Raymi ta e kousante mas grandi den e kambio aki. Dor di Raymi su instabilidat di karakter Raymi ta brua tur kos. Raymi den un di su bishitanan na ofisina di su kasa ta topa ku Tiara ku ta sekretaria di Christina. Tiara ta gusta Raymi i ta koketia kuné i ta logra konkist’é. For di entrada di Tiara den bida di Raymi, e bida kasa di Christina i Raymi ta kuminsá bai abou. Einan e lès di bida ta kuminsá pa e pareha.

CAST

Leonette Bonofacio - Christina ta un muhé ku su mes negoshi di atministrashon, e ta un muhé bon studia y stimá pa hopi hende. E ta kla pa yuda tur hende. E ta stima, adorá y respetá su kasa.Apesar ku Christina ta un muhé ku ta dediká hopi tempu na su trabou, e no ta deskuidá su kasa. Semper e ta zorg pa e matrimonio keda ku e vlam sende. Den su negoshi e tin un sekshon ku ta hasi aktonan sosial i ta spònser diferente aktividat, tambe e ta duna donashon na vários organisashon pa hóben. E ta hasi esaki paso e ke kontribuí na un mihó Kòrsou. E ta e hefe ideal pa su empleadonan. Pa e motibu ei nan ta traha ku smak y e negoshi ta bai dilanti. Pero den e empleadonan ei tin un apel putri ku yama Tiara.

Ludeshka Profas - Tiara ta Sekretaria/Resepshonista di Chritina su negoshi. E ta un mucha muhe ku ta yen di astusia maligno, e ta un materialista. Pero e echo ku e tin un karakter sumamente “ lief”, e por skonde su karakterístikanan negativo.. Tiara ta un bon trahadó pero no ta un hende ku bo por konfia. Tiara den un di su astusianan ta konkista e propio kasa di su hefe. Tiara ta bira byside di Raymi kasá di Christina

Ellon Donker - Raymi ta kasa di Christina. Su profeshon ta Abogado. E ta un hòmber respetá den nos komunidat. Un hopi bon abogado ku a gana diferente kasonan difísil aki na Kòrsou. Loke a dun’é hopi fama. E fama i plaka ta traha di un forma negativo riba Raymi i e ta bira kai den e bida di tin yèn muhé riba kaya. E ta kuminsá aparentá di ta un machista e ta sinti ku e fama i e plaka ku e tin ta dun’é e derecho di trata su kasa manera un kria di kas. Raymi ta lubidá kon e ku su kasa a krese huntu i yega na éksito. Pa loke ta trata su ofisina tambe e ta kuminsá aktua di un forma sumamente arogante ku su klientenan i koleganan. Por mira klaramente ku Raymi tin un dòbel identidat.

Sulaika Lourens - Selly ta un amiga ku un karakter sumamente ròf i ta trata na mustra su amiga na diferente manera ku su kasa Raymi no ta kombin’é. Apesar di Christina su manera inosente i te asta bobo di anda ku kosnan di bida, Selly ta apresiá su amiga masha hopi mes i ta keda semper na su lado manera un body guard.

Anthony Elisa - Mark ta un amigu di Christina ku ta kasa ku Mylene i e ta un konsehero pa su amiga Christina den tur aspekto. Mark ta e persona di konfiansa di Christina. Nan dos a lanta huntu for di chikitu. Mark tambe ta mustra Christina tur e astusia nan di Raymi su kasa for di e punto di bista di un hende hòmber pero Christina no ta kapta nada te dia ku e desgrasia pasa.

Tico Haatma - Joshua: ta manera e angel protektor di Christina. E ta aparesé konstantemente den Christina su bida. Pero Christina nunka no ta mir’é. Na momentu ku Christina kaba di pasa dor di tur su problemanan i tin mas mester di konsuelo i yudansa e Angel Joshua ta bira visibel p’e.

EKIPO SINEMATOGRAFIKO “NO KAI ”

Eskritor: Ana de Freitas

Produktor: Segni Bernardina

Direktor: John Nagtegaal

Segundo asistente Direktor & Grips: Hazel Sparen

Direktor Sinematográfiko/ Musikalisashon /Editor: Rudy Hakmaat

Boom Operator: Orlando Molina

Makiyahe/ Estilista: Sulaika Lourens

Lus: Harry Verstappe

Catering: Angelo Davelaar

Logbook Keeper: Magna Avastia de Freitas

Nota di Produkshon (Clik aki)

SINOPSIS

CAST

EKIPO SINEMATOGRAFIKO “NO KAI ”

SPONSORS

Nota di Produkshon (Clik aki)